തിരുവനന്തപുരം: മുട്ടിൽ മരംമുറി കേസിൽ അന്വേഷണം മുൻ ചീഫ് സെക്രട്ടറി എം. ജയതിലകനിലേക്ക്. മരംമുറിക്ക് അനുമതി നൽകിക്കൊണ്ട് റവന്യൂ പ്രിൻസിപ്പൽ സെക്രട്ടറി ആയിരിക്കെ ജയതിലക് ഇറക്കിയ ഉത്തരവ് വിചിത്രമാണെന്ന് വനംമന്ത്രി ഷിബു ബേബി ജോൺ പറഞ്ഞു. പ്രതികളായ അഗസ്റ്റിൻ സഹോദരന്മാർ നികേഷ് കുമാറിന്റെ ഓഫീസിൽ ഗൂഢാലോചന നടത്തിയെന്ന മാധ്യമപ്രവർത്തകന്റെ വെളിപ്പെടുത്തലും അന്വേഷിക്കുമെന്നും മന്ത്രി പറഞ്ഞു.
കേസിൽ അടിമുടി ഗൂഢാലോചന നടന്നിട്ടുണ്ടെന്ന ഗുരുതരമായ വെളിപ്പെടുത്തലാണ് മന്ത്രി നടത്തിയിരിക്കുന്നത്. എം. ജയതിലക് റവന്യൂ പ്രിൻസിപ്പൽ സെക്രട്ടറി ആയിരുന്ന കാലയളവിലാണ് വിചിത്രമായ ഉത്തരവ് പുറത്തിറങ്ങുന്നത്. ഈ ഉത്തരവിന്റെ ബലത്തിലാണ് മുട്ടിൽ മരംമുറി നടക്കുന്നത്. ഉത്തരവ് വലിയ ഭവിഷ്യത്തുണ്ടാക്കുമെന്ന് അന്ന് ഉദ്യോഗസ്ഥർ മുന്നറിയിപ്പ് നൽകിയിട്ടും അത് ഗൗനിക്കാതെ മൂന്ന് മാസത്തേക്ക് മാത്രമായി ഉത്തരവിറക്കുകയായിരുന്നെന്നും അദ്ദേഹം പറഞ്ഞു.
Leave a Comment
Your comment will be visible after admin approval.