THE NEWS PLUS PORTAL FOR THE DISCERNING INDIANS OVER THE GLOBE

Wednesday, July 6, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Gulf ഇന്ത്യയ്ക്ക് 215 മെട്രിക് ടണ്‍ ഓക്സിജന്‍ കൂടി നല്‍കുമെന്ന് കുവൈറ്റ്

ഇന്ത്യയ്ക്ക് 215 മെട്രിക് ടണ്‍ ഓക്സിജന്‍ കൂടി നല്‍കുമെന്ന് കുവൈറ്റ്

കുവൈറ്റ് സിറ്റി: കൊവിഡ് വ്യാപനം രൂക്ഷമായതിനെ തുടര്‍ന്ന് ഇന്ത്യയിലെ ആശുപത്രികളില്‍ ഓക്സിജന്‍ ക്ഷാമം നേരിടുന്ന സാഹചര്യത്തില്‍ സഹായമായി 215 മെട്രിക് ടണ്‍ ഓക്സിജന്‍ കൂടി കുവൈറ്റില്‍ നിന്ന് ഇന്ത്യയിലേക്ക് അയക്കും. അതോടൊപ്പം 1000 ഓക്സിജന്‍ സിലിണ്ടറുകളും ഇന്ത്യയിലേക്ക് അയക്കുമെന്നും കുവൈറ്റ് അംബാസഡര്‍ ജാസിം അല്‍ നജീം അറിയിച്ചു.

കഴിഞ്ഞ ദിവസം 40 മെട്രിക് ടണ്‍ ലിക്വിഡ് ഓക്സിജനുമായി ഇന്ത്യയുടെ യുദ്ധക്കപ്പലായ ഐഎന്‍എസ് കൊല്‍ക്കത്ത ഷുവൈക്ക് തുറമുഖത്ത് നിന്ന് ഇന്ത്യയിലേക്ക് തിരിച്ചിരുന്നു. 75 മെട്രിക് ടണ്‍ ലിക്വിഡ് ഓക്സിജനും 1000 സിലിണ്ടറുകളുമായി അല്‍ ശുഐബ തുറമുഖത്തു നിന്ന് മറ്റൊരു വ്യാപാരക്കപ്പലും ഇന്ത്യയിലേക്ക് തിരിച്ചിരുന്നു.

ഇതിനു ശേഷം ഇന്ത്യയ്ക്കായുള്ള റിലീഫ് പ്രവര്‍ത്തനങ്ങള്‍ തുടരുകയാണെന്നും അതിന്റെ ഭാഗമായാണ് 215 മെട്രിക് ടണ്‍ ഓക്സിജന്‍ കൂടി സമാഹരിച്ചതെന്നും അംബാസഡര്‍ പറഞ്ഞു. 20 മെട്രിക് ടണ്‍ ലിക്വിഡ് ഓക്സിജന്‍ വീതം ഉള്‍ക്കൊള്ളുന്ന അഞ്ച് ടാങ്കുകളുമായി വ്യാഴാഴ്ച ഇന്ത്യന്‍ നാവിക സേനയുടെ രണ്ട് കപ്പലുകള്‍ കൂടി ഷുവൈക്ക് തുറമുഖത്തിന് നിന്ന് പുറപ്പെടുന്നുണ്ടെന്നും അദ്ദേഹം പറഞ്ഞു.

LEAVE A REPLY

Please enter your comment!
Please enter your name here

Most Popular

Recent Comments