ന്യൂഡൽഹി : ദേശീയ തലത്തിൽ പ്രവർത്തിക്കുന്ന എൻ.ജി.ഒ.ആയ വെയിൽ ഫൗണ്ടേഷൻ്റെ മഹാത്മ ഗാന്ധി ദേശ് സേവ പുരസ്ക്കാരത്തിന് ജോൺസൺ കീപ്പള്ളിൽ അർഹനായി.
ഇന്ത്യയിലും വിദേശത്തും വിദ്യാഭ്യാസ മേഖലയിലെ വൈവിധ്യങ്ങളായ പ്രവർത്തനങ്ങളെ അടിസ്ഥാനമാക്കിയാണ് അവാർഡ്.
ക്യാഷ് അവാർഡും പ്രശസ്തി പത്രവും ഫലകവും അടങ്ങുന്ന അവാർഡ് ഒക്ടോബർ 5 ന് ന്യൂ ഡെൽഹിയിൽ നടക്കുന്ന ചടങ്ങിൽ സമ്മാനിക്കും.
സെൻ്റ്.ജോർജ്ജസ് മൗണ്ട് ഹൈസ്ക്കൂൾ, കൈപ്പട്ടൂർ, ടി.എം.വർഗീസ് മെമ്മോറിയൽ ഹൈസ്ക്കൂൾ വെട്ടിയാർ, എന്നീ എയ്ഡഡ് സ്കൂളുകളുടെ മാനേജരും സെൻ്റ്.ഗ്രിഗോറിയോസ് വിദ്യാനികേതൻ മാവേലിക്കര, സെൻ്റ്.ജോർജ് പബ്ളക്ക് സ്കൂൾ കൈപ്പട്ടൂർ, സൗദി-അറേബ്യയിലെ അൽക്കോബാറിൽ പ്രവർത്തിക്കുന്ന എവർഷൈൻ ഇൻ്റർ നാഷണൽ സ്കൂളിൻ്റെയും ചെയർമാനാണ്.
ഇദ്ദേഹത്തിൻ്റെ നേതൃത്വത്തിൽ
കോട്ടയം കേന്ദ്രമായി പ്രവർത്തിക്കുന്ന എവർ ഷൈൻ ആർട്ടിഫിഷ്യൽ ഇൻറലിജൻസ് പഠനകേന്ദ്രം കേരളത്തിൽ വിവിധ യൂണിവേഴ്സിറ്റികളിലും വിദ്യാഭ്യാസ സ്ഥാപനങ്ങളിലും എ.ഐ. റോബോട്ടിക്സ് പഠനമേഖലകളിൽ അധ്യാപകർക്കും വിദ്യാർത്ഥികൾക്കും പരിശീലനം നൽകുന്നു.
ലൈഫ് കോച്ചിംഗ് & കരിയർ ഗൈഡൻസ് പരിശീലന ഗവേഷണ സംഘടനയായ കേരള പവർ മൈൻഡ് വിഷൻ്റെ ചെയർമാനും മുഖ മാസികയായ “മനസി”ൻ്റെ ചീഫ് എഡിറ്ററുമാണ്.
വിദ്യാഭ്യാസത്തിലൂടെ സമൂഹ്യ വളർച്ച എന്ന ലക്ഷ്യത്തോടെ പ്രവർത്തിക്കുന്ന ജോൺസൺ കീപ്പള്ളിൽ സാധരണക്കാർക്കും സമൂഹ്യമായി പിന്നോക്കം നിൽക്കുന്നവർക്കും ഗുണനിലവാരമുള്ള വിദ്യഭ്യാസം സൗജന്യമായി ലഭിക്കുന്നതിനുള്ള പരിശ്രമം നടത്തുന്ന വ്യക്തിത്വമാണ്.രാജ്യത്ത് ദാരിദ്ര്യ നിർമ്മാർജ്ജനവും പിന്നോക്ക വിഭാഗങ്ങളുടെ വിദ്യാഭ്യാസ വളർച്ചയും ലക്ഷ്യം വെച്ച് 2018ൽ ആന്ധ്രാപ്രദേശിലെ വിജയവാഡ കേന്ദ്രീകരിച്ച് ആരംഭിച്ച എൻ.ജി.ഒ ആണ് വെയിൽ ഫൗണ്ടേഷൻ കേന്ദ്രസർക്കാരിൻ്റെ കോർപ്പറേറ്റ് കാര്യ മന്ത്രാലയത്തിൻ്റെ അംഗീകാരത്തോടെ പ്രവർത്തിക്കുന്ന സംഘടന രാജ്യത്ത് വിവിധ മേഖലകളിൽ സാമൂഹ്യ പ്രതിബദ്ധതയോടെ പ്രവർത്തിക്കുന്ന പൗരന്മാരെ അവാർഡ് നൽകി ആദരിക്കുന്നു. മഹാത്മ ഗാന്ധി ദേശ് സേവ പുരസ്ക്കാർ 2025 വിദ്യാഭ്യാസ മേഖലയിലെ പ്രതിബദ്ധതയോടെയുള്ള പ്രവർത്തനങ്ങൾക്കാണ് കേരളത്തിൽ നിന്ന് ജോൺസൺ കീപ്പള്ളിയെ തെരഞ്ഞെടുത്തിരിക്കുന്നത്.
വിദ്യാഭ്യാസ മേഖലയിൽ നടത്തിവരുന്ന പ്രവർത്തനങ്ങൾക്ക് വൈ.എം.സി.എ.യുടെ
സർ ജോർജ്ജ് വില്യംസ് ഇന്റർനാഷണൽ യൂത്ത് അവാർഡ് – (2015)ഇന്തോ-ബ്രിട്ടീഷ് എക്സലൻസ് അവാർഡ്, ഇംഗ്ലണ്ട്(2017)
നവയുഗം സ്വർഗ്ഗപ്രവാഹം അവാർഡ്, സൗദി അറേബ്യ (2016)
സെന്റ് തോമസ് ഓർത്തഡോക്സ് കോൺഗ്രിഗേഷൻ (STOC) അവാർഡ്, സൗദി അറേബ്യ (2017)
എന്നീ അംഗീകാരങ്ങൾ ലഭിച്ചിട്ടുണ്ട്.
