ഡാളസ് സെന്റ് പോൾസ് വി.ബി.എസ് സമാപന സമ്മേളനം കുട്ടികളുടെ വൈവിധ്യമാർന്ന കലാ-ആത്മീയ പരിപാടികൾകൊണ്ട് ശ്രദ്ധേയമായി

(എബി മക്കപ്പുഴ)

ഡാളസ്:ഡാളസ് സെന്റ് പോൾസ് മാർത്തോമാ സൺ‌ഡേ സ്കൂൾ നടത്തിയ 2026 ലെ വെക്കേഷൻ ബൈബിൾ സ്കൂൾ സമാപന സമ്മേളനം ജൂൺ 14 ഞയറഴ്ചത്തെ ആരാധനക്ക് ശേഷം നടത്തപ്പെട്ടു.
ശ്രീമതി ലീ മാത്യുവിന്റെ (Mrs. Lee Mathew) സ്വാഗത പ്രസംഗത്തോടെയാണ് സമാപന ചടങ്ങുകൾക്ക് ഔദ്യോഗികമായി തുടക്കമായത്.
തുടർന്ന് പ്രെയ്സ് ആൻഡ് വർഷിപ്പ് ടീമിന്റെ നേതൃത്വത്തിൽ ഈ വർഷത്തെ തീം സോങ് (Theme Song) ആലപിച്ചുകൊണ്ട് സദസ്സിനെ ഭക്തിസാന്ദ്രമാക്കി.
കുട്ടികളുടെയും അധ്യാപകരുടെയും സജീവ പങ്കാളിത്തം കൊണ്ട് ശ്രദ്ധേയമായ പരിപാടിയിൽ വൈവിധ്യമാർന്ന കലാ-ആത്മീയ പരിപാടികളാണ് അരങ്ങേറിയത്.
കുട്ടികളുടെ കലാപരമായ കഴിവുകൾ പ്രകടിപ്പിക്കുന്ന വിവിധ ക്ലാസ് പെർഫോമൻസുകൾ ചടങ്ങിന് മാറ്റുകൂട്ടി.

അഞ്ചും ആറും ക്ലാസുകളിലെ കുട്ടികൾ അവതരിപ്പിച്ച സ്കിറ്റ് (Skit) ഏറെ ചിന്തോദ്ദീപകമായിരുന്നു.പ്രീ-കെ (PreK) വിഭാഗത്തിലെ കുട്ടികൾ മനോഹരമായ ഒരു വീഡിയോയും അതോടൊപ്പം ഗാനവും അവതരിപ്പിച്ചു.
കിന്റർഗാർട്ടൻ (Kindergarten) കുട്ടികളുടെ ആക്ഷൻ സോങ്ങും, ഒന്നും രണ്ടും ക്ലാസുകളിലെ കുട്ടികളുടെലളിതഗാനവും സദസ്സിന്റെ കൈയടി നേടി.
മൂന്നും നാലും ക്ലാസുകളിലെ കുട്ടികൾ ആകർഷകമായ നൃത്തച്ചുവടുകളുമായി സ്റ്റേജിലെത്തി.

ഏഴും എട്ടും ക്ലാസുകളിലെ മുതിർന്ന കുട്ടികൾ ഈ വർഷത്തെ വി.ബി.എസ് പ്രമേയത്തെ അടിസ്ഥാനമാക്കി അവതരിപ്പിച്ച റാപ്പ് സോങ് (Rap Song with Theme Presentation) പുതുമയാർന്നതും ആകർഷണീയവും ആയിരുന്നു

പരിപാടികളുടെ മധ്യത്തിൽ കുട്ടികളുടെ വി.ബി.എസ് നാളുകളിലെ ദൃശ്യങ്ങൾ കോർത്തിണക്കിയ സ്ലൈഡ്‌ഷോ (Slideshow) പ്രദർശിപ്പിച്ചു. തുടർന്ന് പ്രെയ്സ് ആൻഡ് വർഷിപ്പ് ടീം ‘ദി പെർഫെക്റ്റ് സൺ’ (The perfect son) എന്ന വിഷയത്തിൽ പ്രത്യേക തീം പ്രസന്റേഷനും ഗാനവും അവതരിപ്പിച്ചു.
ചടങ്ങുകൾക്ക് ഒടുവിൽ ബഹുമാനപ്പെട്ട അരുൺ അച്ചന്റെ പ്രാത്ഥനയും ഇടവക വികാരി റെജിൻ അച്ചന്റെ ബെനഡിക്‌ഷനോടെയും ഈ വർഷത്തെ വി.ബി.എസ് പരിപാടികൾക്ക് മംഗളകരമായ സമാപനമായി.