ന്യൂഡൽഹി: സിയാചിനിൽ ഇന്ന് പുലർച്ചെ 3 മണിയോടെ ഉണ്ടായ തീപിടുത്തത്തിൽ സൈനികന് വീരമൃത്യു. മൂന്ന് സൈനികർക്ക് പരിക്കേറ്റു. പരിക്കേറ്റ സൈനികരെ സുരക്ഷിതമായി ആശുപത്രിയിൽ പ്രവേശിപ്പിച്ചിട്ടുണ്ടന്ന് ഡിഫൻസ് പബ്ലിക് റിലേഷൻ ഓഫീസർ, ലെഫ്. കേണൽ പിഎസ് സിന്ധു അറിയിച്ചു.
നിർഭാഗ്യകരമായ സംഭവത്തിൽ ഗുരുതരമായ പൊള്ളലേറ്റ റെജിമെന്റ് മെഡിക്കൽ ഓഫീസർ ക്യാപ്റ്റൻ അനുഷ്മാൻ സിംഗാണ് മരണത്തിന് കീഴടങ്ങിയത്. മറ്റ് മൂന്ന് സൈനികർക്ക് പൊള്ളലേൽക്കുകയും അമിതമായ പുക ശ്വസിക്കാനും ഇടയായിട്ടുണ്ട്. ഇവരെ സുരക്ഷിതമായി ആശുപത്രിയിൽ പ്രവേശിപ്പിച്ചിട്ടുണ്ടെന്നും സൈനികരുടെ നില തൃപ്തികരമാണെന്നും ഡിഫൻസ് പിആർഒ വ്യക്തമാക്കി.
