സൗദി: ഒ. ഐ .സി .സി സൗദി ബിഷ ഏരിയ കമ്മിറ്റിയുടെ നേതൃത്വത്തിൽ മുൻ മുഖ്യമന്ത്രി ഉമ്മൻചാണ്ടി അനുസ്മരണ സമ്മേളനം സംഘടിപ്പിച്ചു. അസ്സീർ റീജൺ മേഖല വൈസ് പ്രസിഡന്റ് ഈശോ കുര്യൻ അധ്യക്ഷത വഹിച്ചു. ബീഷയിൽ കാറപകടത്തിൽ നാലുപേർ മരിക്കാൻ ഇടയായ സാഹചര്യത്തിൽ ജയിലിൽ അകപ്പെട്ടു പോയ ഷാജിമോൻ്റെ മോചനത്തിന് ഉമ്മൻചാണ്ടി ചെയ്ത പ്രവർത്തനത്തെ പറ്റി വിവരിച്ചു.
പ്രസിഡൻറ് മോൻസി ജോൺ മുഖ്യപ്രഭാഷണം നടത്തി. ഉമ്മൻചാണ്ടി നാടിന് നൽകിയ സേവനങ്ങളും, നന്മകളും പങ്കുവച്ചു. കെ. എം .സി .സി പ്രസിഡന്റ് ഹംസ ഉമ്മർ, യാസ് ക്ലബ്ബ് പ്രസിഡൻറ് രതീഷ് ബാബു, ജാസ്സി, ലെതീഫ്, ഫായിസ് മലപ്പുറം, ഹമീദ് ലൂലു, ഷാഹിദ് കൊടകിൽ തുടങ്ങിയ ബിഷയിലെ സാംസ്കാരിക സാമൂഹിക പ്രവർത്തകരും അനുശോചനം അറിയിക്കുകയുണ്ടായി.
ശിഹാബ് മലപ്പുറം, സന്തോഷ് ചിറ്റാർ, പോൾ ത്യശൂർ, ഷിയാസ് കൊല്ലം, സജീവ്, തുടങ്ങിയവർ പരിപാടിയുടെ നടത്തിപ്പിന് വേണ്ടി പ്രവർത്തിച്ചു. സെക്രട്ടറി ഹുസൈൻ സ്വാഗതവും ബിജു കാരമൂട്ടിൽ നന്ദിയും പറഞ്ഞു.
