ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് സോണിയാ ഗാന്ധിക്ക് 77ാം ജന്മദിനം. പ്രധാനമന്ത്രി നരേന്ദ്രമോദി സോണിയക്ക് എക്‌സിലൂടെ ആശംസകള്‍ നേര്‍ന്നു. ജന്മദിന നാളില്‍ സോണിയാ ഗാന്ധിക്ക് ആശംസകള്‍ നേരുന്നു. ആയുരാരോഗ്യ സൗഖ്യം നേരുന്നുവെന്നുമാണ് പ്രധാനമന്ത്രി കുറിച്ചത്.
കോണ്‍ഗ്രസ് ദേശീയാദ്ധ്യക്ഷന്‍ മല്ലികാര്‍ജുന്‍ ഖാര്‍ഗെ, കെ സി വേണുഗോപാല്‍, ശശി തരൂര്‍, എം കെ സ്റ്റാലിന്‍ എന്നിവരും ആശംസകള്‍ നേര്‍ന്നു. അരികുവത്കരിക്കരപ്പെട്ടവര്‍ക്കു വേണ്ടി നിരന്തരം ശബ്ദിക്കുന്ന, ധൈര്യം, ധീരത, നിസ്വാര്‍ത്ഥ ത്യാഗം എന്നിവയോടെ പ്രതികൂല സാഹചര്യങ്ങളോട് പോരാടുമ്പോളും ശോഭയോടെ നില്‍ക്കുന്നവരുടെ പ്രതീകമാണ് സോണിയയെന്ന് ഖാര്‍ഗെ എക്‌സില്‍ കുറിച്ചു.
