കോഴിക്കോട്: കാലിക്കറ്റ് സര്വകലാശാലയില് ഗവര്ണര്ക്കെതിരെ എസ്എഫ്ഐ ഉയര്ത്തിയ ബാനറുകള് നീക്കം ചെയ്തതിന് പിന്നാലെ ക്യാമ്പസില് വീണ്ടും ബാനര് ഉയര്ത്തി എസ്എഫ്ഐ പ്രവര്ത്തകര്. രാത്രിയില് ഗവര്ണര് ആരിഫ് മുഹമ്മദ് ഖാന് പൊലീസുകാരോട് കയര്ത്തിന് പിന്നാലെ ബാനറുകള് നീക്കം ചെയ്തിരുന്നു. ഈ സംഭവത്തിന് പിന്നാലെ എസ്എഫ്ഐ സംസ്ഥാന സെക്രട്ടറി പി.എംആര് ആര്ഷോയുടെ നേതൃത്വത്തില് എസ്എഫ്ഐ പ്രവര്ത്തകര് മുദ്രാവാക്യം വിളിച്ച് പ്രകടനവുമായി ക്യാമ്പസിലെത്തി. പൊലീസ് ബാരിക്കേഡ് ഉപയോഗിച്ച് പ്രവര്ത്തകരെ തടഞ്ഞു. തുടര്ന്ന് പൊലീസുകാരുമായി ഉന്തും തള്ളുമുണ്ടായി.