ഇറാനെ തകര്ക്കാന് അവരുടെ ആണവശേഖരത്തെ ഇല്ലാതാക്കുകയാണ് ആദ്യം വേണ്ടതെന്ന പരാമര്ശവുമായി ഡോണള്ഡ് ട്രംപ്. ഇറാന്റെ ആണവശേഖരത്തിന് നേരെ ആക്രമണം നടത്തുമോയെന്ന ചോദ്യങ്ങളോട് പ്രസിഡന്റ് ജോ ബൈഡന് പ്രതികരിച്ച രീതി ശരിയല്ലെന്നും ട്രംപ് വിമര്ശിച്ചു. ‘ആണവായുധം ആദ്യം തീര്ത്തുകളയണം… ശേഷമുള്ളതിനെ കുറിച്ച് പിന്നീട് ആകുലപ്പെടാം’ എന്നായിരുന്നു ബൈഡന് പറയേണ്ടിയരുന്നതെന്നതും അദ്ദേഹം കൂട്ടിച്ചേര്ത്തു.
അമേരിക്കയ്ക്കും ലോകത്തിനുള്ള ഭീഷണി തന്നെ ഇറാന്റെ ആണവശേഖരമാണെന്നും അത് തകര്ക്കുന്നതോടെ ശേഷമുള്ളത് ഇല്ലാതെയാകുമെന്നും ട്രംപ് പറഞ്ഞു.ഡമോക്രാറ്റിക് സ്ഥാനാര്ഥിയായ കമല ഹാരിസ് മധ്യപൂര്വേഷ്യയിലെ പ്രശ്നങ്ങളെ കുറിച്ച് കാര്യമായി സംസാരിക്കുന്നില്ലെന്ന ആരോപണവും ട്രംപ് ഉയര്ത്തി. വാശിയേറിയ പ്രചാരണമാണ് ഡമോക്രാറ്റിക് സ്ഥാനാര്ഥിയായ കമലയ്ക്കെതിരെ ട്രംപ് നടത്തുന്നത്.
