പി.പി ചെറിയാൻ
വാഷിംഗ്ടൺ ഡി സി :അമേരിക്കയിലെ പ്രമുഖ ആരോഗ്യ ഏജൻസിയായ സി.ഡി.സി ഡയറക്ടറായി മുൻ ഡെപ്യൂട്ടി സർജൻ ജനറൽ എറിക്ക ശ്വാർട്സിനെ നിയമിക്കാൻ വൈറ്റ് ഹൗസ് ആലോചിക്കുന്നു. കഴിഞ്ഞ ഓഗസ്റ്റിൽ സൂസൻ മോനാരെസ് പുറത്തായതിനെത്തുടർന്ന് സി.ഡി.സിയിൽ സ്ഥിരമായൊരു നേതൃത്വം ഉണ്ടായിരുന്നില്ല.
ആരോഗ്യ സെക്രട്ടറി റോബർട്ട് എഫ്. കെന്നഡി ജൂനിയറും എറിക്കയുടെ പേര് നിർദ്ദേശിച്ചതായാണ് സൂചന. നിലവിൽ വാക്സിൻ നയങ്ങളിലും ബജറ്റ് വെട്ടിക്കുറയ്ക്കലിലും കെന്നഡിയും കോൺഗ്രസും തമ്മിലുള്ള തർക്കങ്ങൾ പരിഹരിക്കാൻ പൊതുജനാരോഗ്യ രംഗത്ത് മികച്ച പരിചയസമ്പത്തുള്ള എറിക്കയുടെ നിയമനം സഹായിക്കുമെന്ന് കരുതപ്പെടുന്നു.
ട്രംപ് ഭരണകൂടത്തിന് കീഴിൽ ഡെപ്യൂട്ടി സർജൻ ജനറലായിരുന്ന എറിക്ക, കോസ്റ്റ് ഗാർഡിൽ ചീഫ് മെഡിക്കൽ ഓഫീസറായും സേവനമനുഷ്ഠിച്ചിട്ടുണ്ട്. പ്രസിഡന്റ് ട്രംപ് അംഗീകാരം നൽകുന്നതോടെ ഇതുസംബന്ധിച്ച ഔദ്യോഗിക പ്രഖ്യാപനം ഉടൻ ഉണ്ടായേക്കും
