പി പി ചെറിയാൻ
വെസ്‌ലി ചാപ്പൽ(ഫ്ലോറിഡ) : ഫ്ലോറിഡ റിപ്പബ്ലിക്കൻ പാർട്ടി യുഎസ് മുൻ പ്രസിഡന്‍റ് ഡോണൾഡ് ട്രംപിനെ പ്രസിഡന്‍റ് സ്ഥാനാർഥിയായി അംഗീകരിച്ചതായി റിപ്പബ്ലിക്കൻ നാഷണൽ കമ്മിറ്റിയിലേക്ക് പുതുതായി തിരഞ്ഞെടുക്കപ്പെട്ട ദേശീയ കമ്മറ്റി അംഗമായ സംസ്ഥാന സെനറ്റർ ജോ ഗ്രൂട്ടേഴ്‌സ് പറഞ്ഞു. ഡ്യുവൽ കൗണ്ടി ജിഒപിയുടെ അധ്യക്ഷനായ ജനപ്രതിനിധി ഡീൻ ബ്ലാക്കിൽ നിന്നാണ് ട്രംപിനെ പിന്തുണയ്ക്കാനുള്ള സംസ്ഥാന കമ്മിറ്റിയുടെ പ്രമേയം വന്നത്. മുൻ യുഎൻ അംബാസഡർ നിക്കി ഹേലി ഇപ്പോഴും മത്സരരംഗത്തുണ്ടെങ്കിലും പ്രസിഡന്‍റ് സ്ഥാനത്തേക്ക് നോമിനിയായി ട്രംപാണ് പരക്കെ പരിഗണിക്കപ്പെടുന്നു.
