Thursday, July 18, 2024

THE NEWS PLUS PORTAL FOR THE DISCERNING INDIANS OVER THE GLOBE

HomeAmericaവെൽനെസ് വർക്ക്ഷോപ്പ് ജൂൺ 22ന് ന്യൂയോർക്കിൽ

വെൽനെസ് വർക്ക്ഷോപ്പ് ജൂൺ 22ന് ന്യൂയോർക്കിൽ

ജീമോൻ റാന്നി

മാർത്തോമ്മാ സഭയുടെ നോർത്ത് അമേരിക്ക ഭദ്രാസനം, നോർത്ത് ഈസ്ററ് റീജിയണൽ ആക്ടിവിറ്റി കമ്മിറ്റിയുടെ (NORTHEAST RAC) നേതൃത്വത്തിൽ സാമൂഹിക ജീവിതത്തിലും, കുടുംബ-വ്യക്തി ജീവിതങ്ങളിലും നേരിടുന്ന സാമൂഹിക, വൈകാരിക സംഘർഷങ്ങൾക്ക് സാന്ത്വനം എങ്ങനെ നൽകാം എന്ന ലക്ഷ്യത്തോടെ ഒരു ശിൽപശാല ന്യൂയോർക്കിൽ നടത്തപ്പെടുന്നു.

ന്യൂ യോർക്കിലുള്ള സെൻറ് ജോൺസ് മാർത്തോമ്മാ ദേവാലയത്തിൽ വെച്ച് (90-37 213th St, Queens Village, NY 11428) ജൂൺ 22-നു ശനിയാഴ്ച്ച രാവിലെ 9:00 മുതൽ ഉച്ചക്ക് 1.00 വരെയാണ് ശിൽപശാല. ഭദ്രാസനാധിപൻ അഭിവന്ദ്യ ഡോ. എബ്രഹാം മാർ പൗലോസ് എപ്പിസ്കോപ്പ ഉത്‌ഘാടനം നിർവ്വഹിക്കും ഈ മേഖലയിലെ വിദഗ്ദ്ധരായ റവ. ഡോ. പ്രമോദ് സക്കറിയ, ശ്രീമതി. സൂസൻ തോമസ്, എന്നിവർ ഈ ശില്പശാലക്കു നേതൃത്വം നൽകും.

13 വയസ്സിനു മുകളിൽ പ്രായമുള്ള എല്ലാവർക്കും ഈ പ്രോഗ്രാമിൽ പങ്കെടുക്കാം. ഭദ്രാസനത്തിന്റെ വിവിധ മേഖലകളിൽ വെച്ച് നടത്തപ്പെടുന്ന ഈ ശിൽപശാലകൾ അനേകർക്ക് സാന്ത്വനം നൽകുന്ന വേദിയാണ്.

ഭദ്രാസന കോർഡിനേറ്റർന്മാരായ റവ. ജെയ്സൺ എ. തോമസ്, ടോം ഫിലിപ്പ്, നോർത്ത് ഈസ്ററ് റീജിയണൽ ആക്ടിവിറ്റി കമ്മിറ്റിയുടെ ചുമതലക്കാരായ റവ. വി.ടി. തോമസ്, തോമസ് ജേക്കബ്, കുര്യൻ തോമസ്, ബെജി ടി. ജോസഫ് എന്നിവരടങ്ങുന്ന കമ്മിറ്റി ശിൽപശാലയുടെ ക്രമികരണങ്ങൾക്ക് നേതൃത്വം നൽകും.

വാർത്ത അയച്ചു തന്നത്: ഷാജി തോമസ് ജേക്കബ്

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments