കാതൽ- ദ കോർ എന്ന മമ്മൂട്ടി നായകനായി എത്തിയ ചിത്രം തിയറ്ററുകളിൽ പ്രദർശനം തുടരുന്നതിനിടെ, ഒടിടി റിലീസുമായി ബന്ധപ്പെട്ട വിവരങ്ങൾ പുറത്തേക്ക്.
2023 ഡിസംബറിൽ തന്നെ കാതൽ-ദ കോർ ഓണ്‍ലൈനില്‍ എത്തുമെന്നാണ് ഒടിടി പ്ലേ റിപ്പോർട്ട് ചെയ്യുന്നത്. അതായത്, ക്രിസ്മസിനോട് അനുബന്ധിച്ചാകും കാതൽ ഒടിടി സ്ട്രീമിംഗ് ആരംഭിക്കുക. ഡിസംബർ 23, ശനിയാഴ്ച അല്ലെങ്കിൽ ഡിസംബർ 24 ഞായറാഴ്ച ചിത്രം ഒടിടിയിൽ എത്തുമെന്നാണ് വിവിധ ഉറവിടങ്ങളെ ഉദ്ധരിച്ച് ഇവർ റിപ്പോർട്ട് ചെയ്യുന്നത്. പൊതുവിൽ തിയറ്റർ റിലീസ് ചെയ്ത് ഒരു മാസം കഴിയുമ്പോഴേക്കും സിനിമകൾ ഒടിടിയിൽ റിലീസ് ചെയ്യാറുണ്ട്
