ദുബൈ: ഇ-മെയിൽ വഴി തട്ടിപ്പ് നടത്തുന്നവരെ കരുതിയിരിക്കാൻ യു.എ.ഇ സൈബർ സെക്യൂരിറ്റി കൗൺസിലിന്റെ ജാഗ്രതാ നിർദേശം. സൈബർ തട്ടിപ്പുകാർ സാധാരണയായി ഉപയോഗിക്കുന്ന തട്ടിപ്പ് ഇ-മെയിലുകളുടെ സ്വഭാവം സംബന്ധിച്ച് സുരക്ഷാകൗൺസിൽ ബോധവൽകരണം ആരംഭിച്ചു.
ഏഴ് തരം ഇമെയിലുകൾ അയച്ചാണ് ക്രിമിനലുകൾ ഇരകളെ പലപ്പോഴും വലയിലാക്കാൻ ശ്രമിക്കാറ്. അക്കൗണ്ട് വെരിഫിക്കേഷൻ ആവശ്യം ഉന്നയിച്ച് വരുന്ന ഇമെയിലുകളെ ജാഗ്രതയോടെ വേണം കൈകാര്യം ചെയ്യാൻ. ക്ലൗഡ് ഷെയർ നോട്ടിഫിക്കേഷൻ ആണെന്ന വ്യാജേനയും ഇത്തരം ഇമെയിലുകൾ ഉപയോക്താക്കളെ തേടിയെത്താം. ഇടപാട് നടത്തിയതിന്റെ ബില്ലുകളെന്ന രീതിയിലും, ഇൻവോയ്‌സ് എന്ന വ്യാജേനയും തട്ടിപ്പുകാരുടെ മെയിലുകൾ ലഭിക്കാം.
