കോംഗോയിൽ പൊട്ടിപ്പുറപ്പെട്ട അതിമാരകമായ എബോള വൈറസ് ബാധ മറ്റ് നാല് രാജ്യങ്ങളിലേക്ക് കൂടി പടർന്നു; അതി ജാഗ്രത

ജനീവ: ഡെമോക്രാറ്റിക് റിപ്പബ്ലിക് ഓഫ് കോംഗോയിൽ പൊട്ടിപ്പുറപ്പെട്ട അതിമാരകമായ എബോള വൈറസ് ബാധ മറ്റ് നാല് രാജ്യങ്ങളിലേക്ക് കൂടി പടർന്നു. ചരിത്രത്തിലെ ഏറ്റവും വേഗതയേറിയ എബോള വ്യാപനമാണിതെന്ന് ലോകാരോഗ്യ സംഘടന മുന്നറിയിപ്പ് നൽകി. മുൻപത്തെ ഏത് രോഗബാധയേക്കാളും വേഗത്തിൽ ആഫ്രിക്കൻ ഭൂഖണ്ഡത്തിലെ മധ്യ, പടിഞ്ഞാറൻ, കിഴക്കൻ മേഖലകളിലായി മൂന്ന് ഭൂപ്രദേശങ്ങളിലേക്കാണ് വൈറസ് ഇതിനകം പടർന്നുപിടിച്ചത്.

അംഗീകൃത വാക്സിനോ മരുന്നുകളോ നിലവിലില്ലാത്ത, അപൂർവവും അതീവ മാരകവുമായ ‘ബുണ്ടിബുഗ്യോ’ വൈറസാണ് ഈ രോഗവ്യാപനത്തിന് കാരണം. മെയ് പകുതിയോടെ കിഴക്കൻ കോംഗോയിൽ റിപ്പോർട്ട് ചെയ്ത ഈ വ്യാപനത്തിൽ, രോഗബാധയേറ്റ 9,500 പേരിൽ 4,600-ലധികം ആളുകൾ ഇതിനകം മരണത്തിന് കീഴടങ്ങി. കൃത്യമായ നിരീക്ഷണ സംവിധാനങ്ങളുടെയും പരിശോധനകളുടെയും അഭാവമാണ് അതിർത്തികൾ കടന്ന് മറ്റ് രാജ്യങ്ങളിലേക്ക് രോഗം പടരാൻ പ്രധാന കാരണമായതെന്ന് ആരോഗ്യ വിദഗ്ദ്ധർ ചൂണ്ടിക്കാട്ടുന്നു.\