വിദേശകാര്യമന്ത്രി ഡോ. എസ്. ജയശങ്കറിന്റെ ​ഗൾഫ് പര്യടനത്തിന് ഇന്ന് തുടക്കമാകും

മസ്കത്ത്: ഇന്ത്യൻ വിദേശകാര്യമന്ത്രി ഡോ. എസ്. ജയശങ്കറിന്റെ ​ഗൾഫ് പര്യടനത്തിന് ഇന്ന് തുടക്കമാകും. ജൂലൈ 10 വരെയുള്ള ദിവസങ്ങളിലായി ഖത്തർ, ബഹ്റൈൻ, കുവൈത്ത്, ഒമാൻ എന്നീ നാല് രാജ്യങ്ങളാണ് അദ്ദേഹം സന്ദർശിക്കുക. ​ഗൾഫ് രാജ്യങ്ങൾക്ക് പുറമെ യു.എസ്, ബെൽജിയം എന്നീ വിദേശ രാജ്യങ്ങളും ജൂലൈ 15 വരെയുള്ള ദിവസങ്ങളിലായി അദ്ദേഹം സന്ദർശനം നടത്തുന്നുണ്ടെന്ന് ഇന്ത്യൻ വിദേശകാര്യ മന്ത്രാലയം അറിയിച്ചു. സന്ദർശന വേളയിൽ അതത് രാജ്യങ്ങളിലെ വിദേശകാര്യമന്ത്രിമാരുമായും ഉന്നത ഭരണനേതൃത്വങ്ങളുമായും അദ്ദേഹം കൂടിക്കാഴ്ച നടത്തും.