കൊച്ചി: യാത്രക്കാരെ വലച്ച് സ്പൈസ് ജെറ്റ്. ദുബായ്- കൊച്ചി വിമാനം 12 മണിക്കൂറായി പുറപ്പെട്ടിട്ടില്ല. യാത്രക്കാര് വിമാനത്തിനുള്ളില് കയറിയെങ്കും വിമാനം ടേക്ക്ഓഫ് ചെയ്യാന് വൈകുകയായിരുന്നു. വിമാനത്തിനുള്ളില് മണിക്കൂറുകള് ചെലവഴിക്കേണ്ടി വന്നതോടെ ഒരു യാത്രക്കാരിക്ക് ദേഹാസ്വസ്ഥ്യമുണ്ടായതായി വിവരമുണ്ട്.
ഇതിനിടെ കൊച്ചിയില് നിന്ന് ഡല്ഹിയിലേക്ക് പുറപ്പെടേണ്ടിയിരുന്ന സ്പൈസ് ജെറ്റ് വിമാനം റദ്ദാക്കി. ഇതോടെ അര്ദ്ധരാത്രിയില് വിമാനത്താവളത്തില് എത്തിയ യാത്രക്കാര് ദുരിതത്തിലായി. തുടര്ന്ന് വിമാനത്താവളത്തില് യാത്രക്കാരും എയര്ലൈന് ജീവനക്കാരും തമ്മില് വാക്കേറ്റമുണ്ടായി. നെടുമ്പാശ്ശേരി വിമാനത്താവളത്തില് യാത്രക്കാര് കുത്തിയിരുന്ന് പ്രതിഷേധിച്ചു.
Leave a Comment
Your comment will be visible after admin approval.