തിരുവനന്തപുരം: മഴക്കെടുതിയില് സംസ്ഥാനം നേരിട്ടത് ഗുരുതര പ്രതിസന്ധിയെന്ന് പ്രതിപക്ഷ നേതാവ് പിണറായി വിജയന്. ദുരന്തമുഖത്ത് ജനം പകച്ചുനില്ക്കുകയാണെന്നും ഒറ്റക്കെട്ടായി നില്ക്കേണ്ട സമയമാണിതെന്നും പിണറായി വിജയന് പറഞ്ഞു. ദുരിതാശ്വാസ പ്രവര്ത്തനങ്ങള്ക്ക് പ്രതിപക്ഷത്തിന്റെ പൂര്ണ്ണ പിന്തുണയുണ്ട്. സുരക്ഷ ഉറപ്പാക്കുന്നതില് ഉണ്ടാകുന്ന വീഴ്ചകള് ചൂണ്ടിക്കാണിക്കാതെ നില്ക്കാന് കഴിയില്ല. പുഴയില് കാണാതായവരെ കണ്ടെത്തുന്നതിലും കാലതാമസം ഉണ്ടായി. ആവശ്യമായ മുന്കരുതല് എടുക്കുന്നതില് ജാഗ്രത ഉണ്ടായില്ല എന്നത് പരിശോധിക്കപ്പെടണം. മഴ നന്നായി പെയ്തതിന് ശേഷമാണ് അലേര്ട്ടുകള് ഉണ്ടായതെന്നും പിണറായി വിജയന് പറഞ്ഞു.
റാന്നിയില് ഉണ്ടായത് വലിയ വെള്ളക്കെട്ട് ആണ്. മൂഴിയാര് ഡാം മുന്നറിയിപ്പ് ഇല്ലാതെ തുറന്നു. അടിയന്തരമായി നഷ്ടപരിഹാരം നല്കണം എന്നും പ്രതിപക്ഷ നേതാവ് ആവശ്യപ്പെട്ടു. പുഴയില് അടിഞ്ഞുകൂടിയ മണല് നീക്കാന് എല്ഡിഎഫ് സര്ക്കാര് നടപടി സ്വീകരിച്ചിരുന്നു. അതിനെതിരെ കോടതിയില് പോകുന്ന സ്ഥിതിയാണ് അന്നുണ്ടായതെന്നും പിണറായി വിജയന് ചൂണ്ടിക്കാട്ടി.
Leave a Comment
Your comment will be visible after admin approval.