മുംബൈ : മഹാരാഷ്‌ട്രയിലെ ഫാക്ടറിയിൽ വൻ തീപിടിത്തം. നാസിക്കിലെ ജിൻഡാൽ ഗ്രൂപ്പിന്റെ ഫാക്ടറിയിലാണ് തീ പിടിത്തം ഉണ്ടായത്. നിരവധി തൊഴിലാളികൾ ഫാക്ടറിയിൽ കുടുങ്ങി കിടക്കുന്നതായാണ് സൂചന. രക്ഷാപ്രവർത്തനം തുടരുകയാണ്.
ഇന്ന് രാവിലെ 11 മണിയോടെയാണ് ഫാക്ടറിയിൽ സ്ഫോടനമുണ്ടായത്. 11 പേരെ ഇതുവരെ പുറത്തെത്തിക്കാനായി. ഫയർ എഞ്ചിനുകൾ തീയണയ്‌ക്കാനുള്ള ശ്രമത്തിലാണ്.
ഇനിയും നിരവധി പേർ കുടുങ്ങി കിടക്കുന്നുണ്ടെന്നാണ് മറ്റ് ജീവനക്കാർ പറയുന്നത്. വലിയ പൊട്ടിത്തെറിയാണ് ഫാക്ടറിയിൽ ഉണ്ടായതെന്ന് തൊഴിലാളികൾ പറയുന്നു. സമീപ ജില്ലകളിലെ ഫയർ എഞ്ചിനുകളും തീയണയ്‌ക്കാൻ സംഭവ സ്ഥലത്ത് എത്തിയിട്ടുണ്ട്.
