സൗദിയില്‍ വീണ്ടും ഹൂതി ആക്രമണം. റിയാദ്, ദമാം വിമാനത്താവളങ്ങളും റിഫൈനറികളും അടക്കം ആറു കേന്ദ്രങ്ങള്‍ ആക്രമിച്ചെന്നാണ് ഹൂതികള്‍ അവകാശപ്പെടുന്നത്. സൗദിയുടെ കിഴക്കൻ, പടിഞ്ഞാറൻ തീരങ്ങൾ മുതൽ റിയാദും തെക്കൻ പ്രദേശമായ നജ്‌റാനും വരെയുള്ള സുപ്രധാന വാണിജ്യ-സൈനിക അടിസ്ഥാന സൗകര്യങ്ങളെ ലക്ഷ്യമിട്ടതായി ഹൂതി വക്താവ് യഹ്‌യ സരി എക്സിൽ കുറിച്ചു. അബ്‌ഖായിക്കിൽ അരാംകോ റിഫൈനറിയിലും ആക്രമിക്കപ്പെട്ടിട്ടുണ്ട്. ഇവിടെ മിസൈല്‍ പ്രയോഗിച്ചതായി ഹൂതികള്‍ അവകാശപ്പെട്ടു.
റസ് തനൂറയിലെ എണ്ണ ശുദ്ധീകരണശാലയ്ക്ക് നേരെ ബാലിസ്റ്റിക് മിസൈലാക്രമണമാണ് നടന്നത്. റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിന് നേരെ ഒന്നിലധികം മിസൈലുകള്‍ പ്രയോഗിച്ചു. ദമ്മാമിലെ കിങ് ഫഹദ് അന്താരാഷ്ട്ര വിമാനത്താവളത്തിന് നേരെ ഡ്രോണാക്രമണമാണ് നടത്തിയത്. റാബിഗിലെ എണ്ണ ശുദ്ധീകരണശാലയും നജ്‌റാനിലെ സൈനിക ആസ്ഥാനവുമാണ് ഹൂതികള്‍ ആക്രമിച്ചത്. .
Leave a Comment
Your comment will be visible after admin approval.