ഇന്ത്യ-യുഎസ് ബന്ധം തകർക്കാൻ ട്രംപ് ശ്രമിക്കുന്നു: വിമർശനവുമായി സുഹാസ് സുബ്രഹ്മണ്യം

പി.പി ചെറിയാൻ

വാഷിംഗ്ടൺ: ഡോണൾഡ് ട്രംപ് ഭരണകൂടത്തിന്റെ വിദേശനയങ്ങളും വ്യാപാര താരിഫുകളും ഇന്ത്യ-യുഎസ് ബന്ധത്തിന് തിരിച്ചടിയാകുന്നുവെന്ന് യുഎസ് കോൺഗ്രസ് അംഗം സുഹാസ് സുബ്രഹ്മണ്യം. ട്രംപ് ഭരണകൂടത്തിന്റെ വിദേശനയം പൂർണ്ണ പരാജയമാണെന്നും, ലോകരാജ്യങ്ങളുമായുള്ള ബന്ധം വഷളാക്കിയ ട്രംപ് ഏകാധിപതികളുമായുള്ള ബന്ധം മാത്രമാണ് ശക്തിപ്പെടുത്തിയതെന്നും അദ്ദേഹം കുറ്റപ്പെടുത്തി.

ആഗോള വെല്ലുവിളികളെ നേരിടാൻ ന്യൂഡൽഹിയുമായി ശക്തമായ പങ്കാളിത്തം ആവശ്യമാണെന്ന് വ്യക്തമാക്കിയ സുബ്രഹ്മണ്യം, പാകിസ്ഥാനിലെ ജനാധിപത്യ തകർച്ചയിൽ ട്രംപ് ഭരണകൂടം കാണിക്കുന്ന മൃദുസമീപനത്തിലും ആശങ്ക രേഖപ്പെടുത്തി