വാഷിംഗ്ടൺ ഡി.സി ജിമ്മിലെ വെടിവെപ്പ്; ഡോക്ടറായ പ്രതിയെ തിരിച്ചറിഞ്ഞു

Global Indian Writer · November 13, 2026 · 1 min read · 0 Comments · 0 Shares

പി പി ചെറിയാൻ

വാഷിംഗ്ടൺ:വാഷിംഗ്ടൺ ഡി.സിയിൽ വ്യാഴാഴ്ച രാവിലെ നടന്ന വെടിവെയ്പ്പ് സംഭവവുമായി ബന്ധപ്പെട്ട് അടിയന്തര വിഭാഗം ഡോക്ടറായ മാറ്റ് ലാംബർട്ട് ആണ് അക്രമിയെന്ന് പൊലീസ് തിരിച്ചറിഞ്ഞു. ജിമ്മിലുണ്ടായ തർക്കത്തെ തുടർന്ന് ഒരാളെ വെടിവെച്ചുകൊന്ന അക്രമി, പിന്നീട് സമീപത്തെ അപ്പാർട്ട്മെന്റിൽ ഒളിച്ചിരിക്കുകയും പോലീസിനെ വെട്ടിച്ച് പിന്നീട് സ്വയം വെടിയുതിർത്ത് മരിക്കുകയുമായിരുന്നു.

വ്യാഴാഴ്ച രാവിലെ 8 മണിയോടെ വൈറ്റ് ഹൗസിന് ഏകദേശം ഒരു മൈൽ വടക്കുമാറി സ്ഥിതി ചെയ്യുന്ന ലോഗൻ സർക്കിൾ മേഖലയിലെ 15-ാം തെരുവിലായിരുന്നു സംഭവം നടന്നത്

കെട്ടിടത്തിലെ ഹോംഓണേഴ്സ് അസോസിയേഷനുമായുള്ള (HOA) തർക്കമാണ് അക്രമത്തിലേക്ക് നയിച്ചതെന്നാണ് പ്രാഥമിക നിഗമനം. ലാംബർട്ടുമായി ബന്ധപ്പെട്ട ഒരു എക്സ് (X) അക്കൗണ്ടിൽ തന്റെ മാനിഫെസ്റ്റോ ഒരു ‘എഞ്ചിനീയറിംഗ് റിപ്പോർട്ട്’ ആയി പോസ്റ്റ് ചെയ്തിരുന്നു.

ഈ ആക്രമണത്തിലേക്ക് നയിച്ച യഥാർത്ഥ കാരണങ്ങളെക്കുറിച്ചും പ്രതിയുടെ പശ്ചാത്തലത്തെക്കുറിച്ചും അന്വേഷണ സംഘം വിശദമായ പരിശോധനകൾ നടത്തിവരികയാണ്.

വെടിവെയ്പ്പിനെ തുടർന്ന് പ്രദേശം പൊലീസ് പൂർണ്ണമായും സീൽ ചെയ്തു. സമീപത്തെ സ്കൂളുകൾ ലോക്ക്ഡൗൺ ചെയ്യുകയും സ്വാറ്റ് (SWAT) ടീം സ്ഥലത്ത് പരിശോധന നടത്തുകയും ചെയ്തു.

ലോഗൻ സർക്കിൾ പ്രദേശത്ത് സുരക്ഷ ശക്തമാക്കിയിരിക്കുന്നതിനിടയിലാണ് ഈ ദാരുണ സംഭവം നടന്നിരിക്കുന്നത്.

Share this story

Leave a Comment

Your comment will be visible after admin approval.