ചിറ്റൂർ: പാലക്കാട് കൊഴിഞ്ഞാമ്പാറ വണ്ണാമടയിൽ 4 വയസ്സുകാരനെ കഴുത്തു ഞെരിച്ചു കൊലപ്പെടുത്തി. വണ്ണാമട തുളസി ഗാർഡൻ കല്ലാഴി വീട്ടിൽ മധുസൂദനന്റെയും ആതിരയുടെയും മകൻ റിത്വിക് ആണു കൊല്ലപ്പെട്ടത്. സംഭവം നടന്ന വീട്ടിൽ നിന്നു മധുസൂദനന്റെ ബന്ധുവായ യുവതിയെ ഗുരുതര പരുക്കുകളോടെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
മൂർച്ചയേറിയ ആയുധം ഉപയോഗിച്ചു കഴുത്തിലും കയ്യിലും ഇവർ സ്വയം മുറിവേൽപിച്ച നിലയിലായിരുന്നു എന്നു പൊലീസ് പറഞ്ഞു. യുവതി മാനസിക പ്രശ്നത്തെ തുടർന്നു ചികിത്സയിലായിരുന്നെന്നു ബന്ധുക്കൾ പൊലീസിനു മൊഴി നൽകി. ഇന്നലെ രാത്രി 10 നാണു സംഭവം.
