കണ്ണൂര്: കണ്ണൂര് ജില്ലാ പഞ്ചായത്തംഗവും സിപിഐഎം നേതാവുമായ പിപി ദിവ്യയ്ക്കെതിരായ അനധികൃത സ്വത്ത് സമ്പാദന കേസിലെ അന്വേഷണത്തിന് അനുമതി തേടിയെന്ന് വിജിലന്സ് ഹൈക്കോടതിയില് അറിയിച്ചു. ഇക്കാര്യത്തിലെ പുരോഗതി അറിയിക്കാന് വിജിലന്സിന് ഹൈക്കോടതി നിര്ദ്ദേശം നല്കി. പിപി ദിവ്യക്കെതിരായ അന്വേഷണം അട്ടിമറിച്ചുവെന്ന് ആരോപിച്ച് കണ്ണൂരിലെ കെഎസ്യു നേതാവ് പി മുഹമ്മദ് ഷമ്മാസ് നല്കിയ ഹര്ജി ഹൈക്കോടതി സെപ്തംബര് 18ന് പരിഗണിക്കാന് മാറ്റി.ജസ്റ്റിസ് എ ബദറുദ്ദീന് അധ്യക്ഷനായ സിംഗിള് ബെഞ്ചിന്റേതാണ് നടപടി. ജില്ലാ പഞ്ചായത്ത് പ്രസിഡന്റ് ആയിരിക്കെ പി പി ദിവ്യ കാര്ട്ടണ് ഇന്ത്യ അലിയന്സ് പ്രൈവറ്റ് ലിമിറ്റഡ് എന്ന പേരില് ബെനാമി കമ്പനി ആരംഭിച്ചുവെന്നാണ് ആരോപണം.
പിപി ദിവ്യയ്ക്കെതിരായ അനധികൃത സ്വത്ത് സമ്പാദന കേസിലെ അന്വേഷണത്തിന് അനുമതി തേടി വിജിലൻസ് ഹൈക്കോടതിയില്
RELATED ARTICLES
