THE NEWS PLUS PORTAL FOR THE DISCERNING INDIANS OVER THE GLOBE

Sunday, January 23, 2022

THE NEWS PLUS PORTAL FOR THE DISCERNING INDIANS OVER THE GLOBE

Home America വേൾഡ് മലയാളി കൗൺസിൽ സംഘടിപ്പിക്കുന്ന 'കൈത്തറിക്ക് ഒരു കൈത്താങ്ങ്' ഉദ്ഘാടനം 30ന്

വേൾഡ് മലയാളി കൗൺസിൽ സംഘടിപ്പിക്കുന്ന ‘കൈത്തറിക്ക് ഒരു കൈത്താങ്ങ്’ ഉദ്ഘാടനം 30ന്

തിരുവനന്തപുരം: കോവിഡ് മഹാമാരിമൂലം ദുരിതം അനുഭവിക്കുന്ന പരമ്പരാഗത കൈത്തറി തൊഴിലാളികൾക്ക് സഹായഹസ്തവുമായി വേൾഡ് മലയാളി കൗൺസിൽ. ‘കൈത്തറിക്ക് ഒരു കൈത്താങ്ങ് ‘ എന്നു പേരിട്ടിരിക്കുന്ന പദ്ധതി ജൂലൈ 30 വൈകിട്ട് 4 മണിക്ക് (ഇന്ത്യൻ സമയം) തിരുവനന്തപുരം പ്രസ് ക്ലബ് ഓഡിറ്റോറിയത്തിൽ കേരള വ്യവസായ വകുപ്പ് മന്ത്രി പി.രാജീവ് ഉദ്ഘാടനം ചെയ്യും. ഡബ്ല്യു എം സി ഗ്ലോബൽ ചെയർമാൻ ജോണി കുരുവിള അദ്ധ്യക്ഷത വഹിക്കും. കോവളം എം.എൽ.എ.വിൻസെന്റ്, ജില്ലാ പഞ്ചായത്ത് പ്രസിഡന്റ് അഡ്വ.സുരേഷ് കുമാർ, ബാലരാമപുരം ഗ്രാമപഞ്ചായത്ത് പ്രസിഡന്റ് വി.മോഹനൻ തുടങ്ങിയവർ പങ്കെടുക്കും. ഇതിന്റെ വിപണനത്തിനായി ക്രമീകരിച്ചിരിക്കുന്ന www.madebymalayalee.com എന്ന വെബ് സൈറ്റിന്റെ ഉദ്ഘാടനം തിരുവനന്തപുരം എം.പി. ശശി തരൂർ നിർവഹിക്കും.

ഈ പദ്ധതിയിലൂടെ  ബാലരാമപുരം ഗ്രാമത്തിൽ പരമ്പരാഗത കൈത്തറി തൊഴിലാളികൾ നെയ്തെടുക്കുന്ന വസ്ത്രങ്ങൾ വിവിധ തരത്തിലുള്ള ഗിഫ്റ്റ് പാക്കറ്റുകളിൽ കുറഞ്ഞ നിരക്കിൽ വിതരണം ചെയ്യും. വേൾഡ് മലയാളി കൗൺസിൽ അംഗങ്ങൾ, മറ്റ് സംഘടനകൾ, സ്ഥാപനങ്ങൾ എന്നിവർക്ക് www.madebymalayalee.com എന്ന വെബ് സൈറ്റിലൂടെ ഓർഡർ നൽകിയാൽ അവരുടെ കേരളത്തിലെ ബന്ധുക്കൾക്കും, സ്റ്റാഫംഗങ്ങൾക്കും, ഉപഭോക്താക്കൾക്കും കൊറിയർവഴിയും, വിദേശത്തുള്ളവർക്ക് പാർസലായും അയച്ചു നൽകും.                   

ഉദ്ഘാടന കർമ്മത്തിന്റെ തൽസമയസംപ്രേഷണം സൂം മീറ്റിംങ്ങിലൂടെ കാണാം.
Meeting ID: 892 1655 3226
Passcode: 1234

ഡബ്ല്യു എം സി ഗ്ലോബൽ നടപ്പാക്കുന്ന ഈ പദ്ധതിയുടെ നടത്തിപ്പിന് നേതൃത്വം നൽകുന്ന തിരുവനന്തപുരം ചാപ്റ്റർ, ട്രാവൻകൂർ പ്രോവിൻസ്, ഇന്ത്യ റീജിയൺ ഭാരവാഹികളെ വേൾഡ് മലയാളി കൗൺസിൽ ഗ്ലോബൽ കമ്മിറ്റി ചെയർമാൻ ജോണി കുരുവിള , പ്രസിഡന്റ് റ്റി പി വിജയൻ , വൈസ് പ്രസിഡന്റ് അഡ്മിൻ സി.യു. മത്തായി, സെക്രട്ടറി ജനറൽ പോൾ പറപ്പള്ളി, ട്രഷറർ ജെയിംസ് കൂടൽ, വൈസ് പ്രസിഡന്റ് ഓർഗനൈസേഷൻ ബേബി മാത്യു സോമതീരം എന്നിവർ അഭിനനന്ദിച്ചു.

LEAVE A REPLY

Please enter your comment!
Please enter your name here

Most Popular

Recent Comments