Sunday, June 23, 2024

THE NEWS PLUS PORTAL FOR THE DISCERNING INDIANS OVER THE GLOBE

HomeNewsഎണ്ണ ഉൽപാദനം കുറക്കാൻ ഒപെക്​; ആഗോള വിപണിയിൽ വില ഉയർന്നേക്കും

എണ്ണ ഉൽപാദനം കുറക്കാൻ ഒപെക്​; ആഗോള വിപണിയിൽ വില ഉയർന്നേക്കും

ദുബൈ: എണ്ണ ഉൽപാദനം ഗണ്യമായി കുറക്കാൻ ഒപെക്​ രാജ്യങ്ങളുടെ അപ്രതീക്ഷിത തീരുമാനം. പ്രതിദിന ഉൽപാദനത്തിൽ ദശലക്ഷം ബാരലിന്റെ കുറവ്​ വരുത്താനാണ്​ നീക്കം. ഉൽപാദനത്തിലെ ഇടിവ്​ ആഗോള വിപണിയിൽ എണ്ണവില ഉയരാൻ വഴിയൊരുക്കും. ​ഒപെകിനൊപ്പം ഉൽപാദനം കുറക്കാൻ ഒപെക്​ ഇതര രാജ്യങ്ങളും സന്നദ്ധമായിട്ടുണ്ട്​.

പതിനഞ്ചു മാസത്തെ ഏറ്റവും കുറഞ്ഞ നിരക്കിലേക്ക്​ എണ്ണവില കൂപ്പുകുത്തിയതാണ്​ ഉൽപാദനത്തിൽ അടിയന്തരമായി കുറവ്​ വരുത്താൻ ​എണ്ണ ഉൽപാദക രാജ്യങ്ങളെ പ്രേരിപ്പിച്ചത്​. ബാരലിന്​80 ഡോളറിനു ചുവടെയാണ്​ നിലവിലെ നിരക്ക്​. പ്രതിദിന ഉൽപാദനത്തിൽ ദശലക്ഷം ബാരലിന്റെ കുറവ്​ വരുന്നതോടെ വിലയിൽ ഗണ്യമായ വർധന ഉണ്ടാകും എന്നാണ്​ ഒപെക്​ കണക്കുകൂട്ടൽ.

ഈ വർഷാവസാനം വരെ കുറഞ്ഞ ഉൽപാദനം തുടരാനാണ്​ ഒപെക്​ തീരുമാനം. ഉൽപാദനത്തിൽ ഏറ്റവും കൂടുതൽ കുറവ്​ വരുത്തുക സൗദി അറേബ്യയാണ്​. പ്രതിദിനം 5 ലക്ഷം ബാരൽ. യുഎ.ഇ, കുവൈത്ത്​, അൾജീരിയ ഉൾപ്പെടെ മറ്റ്​ ഒപെക്​ രാജ്യങ്ങളും ഉൽപാദനം കുറക്കുമെന്ന്​ പ്രഖ്യാപിച്ചു. പ്രതിദിന ഉൽപാദനത്തിൽ ഒരു ലക്ഷത്തി നാൽപത്തി നാലായിരം ബാരൽ കുറവ്​ വരുത്തുമെന്ന്​ യു.എ.ഇ അറിയിച്ചു. കുവൈത്ത്​ പ്രതിദിന ഉൽപാദനത്തിൽ 1,28,000 ബാരൽ കുറവ്​ വരുത്തും. ഒമാൻ പ്രതിദിനം നാൽപതിനായിരം ബാരൽ കുറവാണ്​ പ്രഖ്യാപിച്ചിരിക്കുന്നത്​.

റഷ്യയും ഉൽപാദനം കുറക്കും. മാർച്ച്​ മുതൽ ജൂൺ വരെ പ്രഖ്യാപിച്ച ഉൽപാദനത്തിലെ കുറവ്​ ഈ വർഷാവസാനം വരെ നീട്ടിയതായി റഷ്യ ​വ്യക്​തമാക്കി. എണ്ണവിപണിയുടെ സുസ്​ഥിരത മുൻനിർത്തിയാണ്​ അടിയന്തര തീരുമാനമെന്ന്​ ഒപെക്​, ഒപെക്​ ഇതര രാജ്യങ്ങൾ അറിയിച്ചു. ഒപെക്​ തീരുമാനത്തിൽ അമേരിക്ക ആശങ്ക രേഖപ്പെടുത്തി. ഉൽപാദനം വർധിപ്പിക്കുന്നതിനു പകരം നിഷേധ നിലപാട്​ സ്വീകരിക്കുന്നത്​ വിപണിക്ക്​ ഗുണം ചെയ്യില്ലെന്നാണ്​ അമേരിക്കയുടെ കുറ്റപ്പെടുത്തൽ. 

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments