തിരുവനന്തപുരം: വേൾഡ് മലയാളി കൗൺസിൽ ഇന്ത്യ റീജിയൻ പുതിയ ഭരണ സമിതിയെ എതിരില്ലാതെ തിരഞ്ഞെടുത്തു. സാമൂഹിക, സാംസ്‌കാരിക ജീവകാരുണ്യ പ്രവർത്തനങ്ങൾക്ക് നേതൃത്വം നൽകുന്ന ഈ ഭരണ സമിതിയുടെ 2025-2027 വർഷത്തെ ഭാരവാഹികളെയാണ് തിരഞ്ഞെടുത്തത്. മെയ്‌ 17 ന് ഗുജറാത്തിൽ വച്ചു നടത്തുന്ന ഇന്ത്യ റീജിയൻ കോൺഫറൻസിൽ സമ്പൂർണ എക്സിക്യൂട്ടീവ് കമ്മിറ്റി രൂപീകരിക്കും.
അമേരിക്കയിലെ ന്യൂ ജേഴ്‌സിയിൽ 1995 ൽ പ്രവർത്തനം ആരംഭിച്ച് ഇപ്പോൾ അൻപതിലേറെ രാജ്യങ്ങളിലെ മലയാളികൾ സജീവമായി പ്രവർത്തിക്കുന്ന ആഗോള മലയാളി സംഘടനയാണ് വേൾഡ് മലയാളി കൗൺസിൽ. ഭാരതത്തിൽ വിവിധ സംസ്ഥാനങ്ങളിലായി 18 പ്രൊവിൻസ് യൂണിറ്റുകൾ ഉൾപ്പെട്ടതാണ് ഇന്ത്യ റീജിയൻ നേതൃത്വം.
പുതിയ ഭാരവാഹികൾ
ചെയർമാൻ: മോഹൻ ബി. നായർ (ഗുജറാത്ത് )
പ്രസിഡൻ്റ്: പി. പത്മകുമാർ (കോയമ്പത്തൂർ)
ജനറൽ സെക്രട്ടറി: രാമചന്ദ്രൻ പേരാമ്പ്ര (കോഴിക്കോട്)
ട്രഷറർ: തോമസ് അരുൾ അലക്‌സാണ്ടർ (ഗോവ)
