THE NEWS PLUS PORTAL FOR THE DISCERNING INDIANS OVER THE GLOBE

Friday, January 28, 2022

THE NEWS PLUS PORTAL FOR THE DISCERNING INDIANS OVER THE GLOBE

Home Breaking news വിദ്യാര്‍ത്ഥിനികള്‍ക്ക് മയക്കുമരുന്ന് നൽകി പീഡനം: പ്രിൻസിപ്പാളും സഹായിയും അറസ്റ്റിൽ

വിദ്യാര്‍ത്ഥിനികള്‍ക്ക് മയക്കുമരുന്ന് നൽകി പീഡനം: പ്രിൻസിപ്പാളും സഹായിയും അറസ്റ്റിൽ

ലഖ്നൗ: പ്രായപൂര്‍ത്തിയാകാത്ത 17 വിദ്യാര്‍ത്ഥിനികള്‍ക്ക് ഭക്ഷണത്തിൽ മയക്കുമരുന്ന് നൽകി പീഡിപ്പിച്ച കേസിൽ പ്രിൻസിപ്പാളും സഹായിയും അറസ്റ്റിൽ. ഉത്തര്‍പ്രദേശിലെ മുസാഫര്‍നഗ‌ർ ജില്ലയിലാണ് ഇത്തരത്തിൽ ഞെട്ടിക്കുന്ന സംഭവമുണ്ടായത്.

പ്രാക്ടിക്കൽ പരീക്ഷ എന്ന പേരിലാണ് വിദ്യാര്‍ത്ഥികളെ ഇയാള്‍ വിളിച്ചുവരുത്തിയത്. പ്രദേശത്ത് തന്നെയുള്ള മറ്റൊരു സ്കൂളിലേക്കായിരുന്നു ക്ലാസുകള്‍ നടന്നത്. നവംബര്‍ 18 നാണ് കേസിനാസ്പദമായ സംഭവമുണ്ടായതെന്ന് ഉത്തര്‍പ്രദേശ് പോലീസ് പറഞ്ഞു.

സംഭവത്തിൽ എഫ്ഐആര്‍ തയ്യാറാക്കിയതായി പോലീസ് അറിയിച്ചിട്ടുണ്ട്. പത്താം ക്ലാസ് വിദ്യാര്‍ത്ഥിനികളാണ് പ്രാക്ടിക്കൽ ക്ലാസിനായി എത്തി പീഡിപ്പിക്കപ്പെട്ടത്. പരാതി ആദ്യം പോലീസ് സ്വീകരിച്ചിരുന്നില്ല. പിന്നീട് പ്രദേശത്തെ എംഎൽഎയുടെ നിര്‍ദ്ദേശത്തിന് പിന്നാലെയാണ് കേസെടുത്തതെന്ന് മാതാപിതാക്കള്‍ ആരോപിച്ച് രംഗത്തുവന്നിരുന്നു.

പ്രാക്ടിക്കൽ പരീക്ഷയ്ക്ക് മുന്നോടിയായുള്ള പരിശീലനത്തിനാണ് 16 – 17 പെൺകുട്ടികളെ പ്രിന്‍സിപ്പാളായ യോഗേഷ് വിളിപ്പിച്ചത്. പഠനം പൂര്‍ത്തിയാകാത്തതിനെ തുടർന്ന് രാത്രികൂടി നിൽക്കാൻ പിന്നീട് അധ്യാപകൻ നിര്‍ദ്ദേശിക്കുകയായിരുന്നു. പിന്നീട് ഇവര്‍ക്ക് കഴിക്കാൻ വേണ്ടി കിച്ചഡി ഉണ്ടാക്കുകയും ചെയ്തു. ഇത് കഴിച്ചതോടെ കുട്ടികള്‍ ബോധം നഷ്ടപ്പെടുകയായിരുന്നു. ഇതിന് ശേഷമാണ് അധ്യാപകൻ കുട്ടികളെ ലൈംഗികമായി പീഡിപ്പിച്ചത്. എന്ന് പരാതിക്കാരിയായ ഒരു കുട്ടി പറഞ്ഞു.

പരീക്ഷയുടെ തീയതി പ്രഖ്യാപിച്ചിരുന്നോ എന്ന ചോദ്യത്തിന് അതിനെക്കുറിച്ച് കൃത്യമായ വിവരങ്ങള്‍ ഒന്നും ലഭിച്ചിരുന്നില്ലെന്ന് പരാതിക്കാരിയായ ഒരു പെൺകുട്ടി പറഞ്ഞു. സംഭവസമയത്ത് വനിതാ അധ്യാപകര്‍ ആരും സ്കൂളിൽ ഉണ്ടായിരുന്നില്ലെന്ന് അന്വേഷണ ഉദ്യോഗസ്ഥര്‍ അറിയിച്ചിട്ടുണ്ട്.

പീഡനത്തെക്കുറിച്ച് ആരോടെങ്കിലും പറഞ്ഞാൽ പരീക്ഷയിൽ തോൽപ്പിക്കുമെന്നും കുടുംബാംഗങ്ങളെ കൊലപ്പെടുത്തുമെന്നും പെൺകുട്ടികളെ പ്രതികള്‍ ഭീഷണിപ്പെടുത്തിയിരുന്നു. അടുത്ത ദിവസം കുട്ടികള്‍ സ്കൂളിൽ പോകാൻ മടിച്ചതോടെയാണ് വിവരം തിരക്കിയ രക്ഷിതാക്കളോട് അവര്‍ പീഡനവിവരം പറഞ്ഞത്.

കൃത്യനിര്‍വഹണത്തിൽ അശ്രദ്ധ കാണിച്ച സ്റ്റേഷൻ ഹൗസ് ഓഫീസറെ സസ്പെന്‍ഡ് ചെയ്തതായി മുസാഫര്‍നഗര്‍ പോലീസ് മേധാവി അഭിഷേക് യാദവ് പറഞ്ഞു. സംഭവത്തിൽ എഫ്ഐആര്‍ രജിസ്റ്റര്‍ ചെയ്തിരിക്കുന്നത്. സെക്ഷൻ 328, 358, 506 പോക്സോ വകുപ്പുകള്‍ ചുമത്തിയാണ് എഫ്ഐആര്‍ രജിസ്റ്റര്‍ ചെയ്തിരിക്കുന്നത്.

LEAVE A REPLY

Please enter your comment!
Please enter your name here

Most Popular

Recent Comments