ന്യൂഡല്ഹി: മുഖ്യമന്ത്രി ചര്ച്ചയില് തനിക്ക് താല്പര്യമില്ലെന്ന് എഐസിസി ജനറല് സെക്രട്ടറി കെ.സി വേണുഗോപാല് എംപി. ചര്ച്ച ചെയ്യുന്നവര് ചെയ്യട്ടെയെന്നും ഇതിനെ എങ്ങനെ വേണമെങ്കിലും വ്യാഖ്യാനിക്കാമെന്നും കെ.സി വേണുഗോപാല് പറഞ്ഞു. മോദിക്കെതിരായ പരാമര്ശത്തില് മല്ലികാര്ജുന് ഖാര്ഗെയോട് വിശദീകരണം തേടിയ തെരഞ്ഞെടുപ്പ് കമ്മീഷന്റെ നടപടി വിചിത്രമായ കാര്യമാണെന്നും കെ.സി മാധ്യമങ്ങളോട് പ്രതികരിച്ചു.’കോണ്ഗ്രസിനുള്ളിലെ മുഖ്യമന്ത്രി സ്ഥാനത്തെ കുറിച്ചുള്ള ചര്ച്ചകളില് താല്പര്യമില്ല. അത്തരം ചര്ച്ചകള് നടത്തുന്നവര് നടത്തട്ടെ. പാര്ട്ടിയുടെ താല്പര്യം നേരത്തെ കൃത്യമായി പറഞ്ഞിട്ടുണ്ട്. വ്യവസ്ഥാപിതമായി അതെല്ലാം വ്യക്തമാക്കിയിട്ടുള്ളതാണ്’. കെ.സി വ്യക്തമാക്കി. തെരഞ്ഞെടുപ്പ് കമ്മീഷന്റെ പ്രവര്ത്തനങ്ങളില് സുതാര്യത കുറവാണെന്നും കോഴിക്കോട്ടെ സ്ട്രോങ് റൂമുമായി ബന്ധപ്പെട്ട പരാതിയില് ഹൈക്കോടതിയെ സമീപിക്കുമെന്നും അദ്ദേഹം പറഞ്ഞു.
മുഖ്യമന്ത്രി ചര്ച്ചയില് തനിക്ക് താല്പര്യമില്ലെന്ന് കെ.സി വേണുഗോപാല്
RELATED ARTICLES
