ജിദ്ദ : മീഡിയ ഫോറം 2025–ന്റെ നാലാം പതിപ്പിന് ആതിഥേയത്വം വഹിക്കാൻ ഒരുങ്ങുകയാണ് സൗദി അറേബ്യ. ഫെബ്രുവരി 19 മുതൽ 21 വരെ തലസ്ഥാനമായ റിയാദിലാണ് പരിപാടി നടക്കുക. മാധ്യമ വ്യവസായത്തെ പുനർനിർമിക്കുന്ന ദ്രുതഗതിയിലുള്ള ഡിജിറ്റൽ പരിവർത്തനത്തിനിടയിൽ മാധ്യമങ്ങളുടെ ഭാവി പര്യവേക്ഷണം ചെയ്യാനും തന്ത്രപരമായ പങ്കാളിത്തം വളർത്താനും ഏറ്റവും പുതിയ ട്രെൻഡുകളും വെല്ലുവിളികളും അഭിമുഖീകരിക്കാനും ഫോറം ഒരു സുപ്രധാന അവസരം നൽകുന്നുണ്ട്.
സൗദി അറേബ്യയെ പ്രാദേശികമായും ആഗോളതലത്തിലും ഒരു പ്രമുഖ മാധ്യമ കേന്ദ്രമായി സ്ഥാപിക്കാൻ ലക്ഷ്യമിടുന്ന വിഷൻ 2030 യുമായി ഫോറം യോജിക്കുന്നുവെന്ന് സൗദി മീഡിയ ഫോറം ചെയർമാനും സൗദി ബ്രോഡ്കാസ്റ്റിങ് അതോറിറ്റി സിഇഒയുമായ മുഹമ്മദ് ബിൻ ഫഹദ് അൽ ഹാർത്തി പറഞ്ഞു.
